Патничка во возило на ЈСП тешко повредена поради нагло кочење

При нагло кочење на автобус од ЈСП, една патична паднала и се здобила со тешки телески повреди.

На 18.05.2021 во 15.30 часот во СВР Скопје било пријавено дека на ул.„Ѓорче Петров“ во Скопје, при сопирање на автобус „јутонг“ на ЈСП, управуван од С.К.(54) од Скопје, патничката С.Н.(56) од Скопје паднала и се здобила со тешки телесни повреди, констатирани во Градската општа болница „8 Септември“.

Увид на местото извршила екипа од СВР Скопје.