Рускиот православен патријарх Кирил во денешниот говор пред армијата повика на уништување на Украина.
„Еднаш го скршивме ‘рбетот на фашизмот, ќе го направиме тоа повторно“, рече тој, додавајќи дека Украина еднаш мора да биде уништена како нацистичкиот Рајх.
„Русија одигра одлучувачка улога во поразот на фашизмот“, изјави патријархот московски и на цела Русија Кирил по литургијата во главниот храм на вооружените сили на земјата, пренесува РИА Новости.
„Го скршивме ‘рбетот на фашизмот, кој несомнено ќе победеше да не беше Русија, да не беше подвигот на нашиот народ“, додаде тој.
Во исто време, рускиот патријарх исто така го повика Бог на помош и се молеше за мир во Украина.
Кога Русија ја започна офанзивата врз Украина на 24 февруари, Владимир Путин рече дека тоа е направено на барање на таканаречените независни републики Доњецк и Луганск. Кирил цврсто застана со Путин и редовно ја повторува реториката на Москва во неговите проповеди.
„Ако ја гледаме Украина како закана, имаме право да употребиме сила за да обезбедиме искоренување на заканата“, изјави неодамна Кирил пред православните верници.
Патријархот ги нарече и сите оние кои се против даноците на Москва во Украина „сили на злото“ кои сакаат да го уништат историското единство на двете земји.