Пржени, варени, печени, како прилог или дел од салата, младите компири не само што се вкусни туку и многу здрави. Наш предлог за денес е печено пилешко со компири и печурки… Уживајте!
Состојки:
пиле (едно или половина)
500 гр компири
500 гр печурки
2 лажици масло
лажица путер
3-4 чешниња лук, згмечени
чаша пилешка супа
сол, бибер
мелен пипер, ким, кари
Подготовка:
Благо згответе го пилешкото месо за да го скратите времето за печење. Посебно издинстајте неколку крупно сечкани печурки, додадете сол и зачини. Во сад за печење истурете ги издинстаните и зачинетите печурки, сечканиот лук, додадете ги компирите и пилешкото, зачинете со зачини по вкус и малку подмачкајте со масло. Додадете шолја супа во која е сварено пилешкото. Ставете ја алуминиумската фолија и печете околу 45 минути на 220 степени. Потоа извадете ја фолијата и печете го пилешкото додека не добие златна боја.