Официјален Пекинг денес доста остро одговори на обвинувањата на Вашингтон дека Кина размислува да и испрати оружје на Русија за војната во Украина. Кина ги обвини САД и НАТО дека „шират невистини“ за потенцијалната улога на Пекинг во конфликтот.
„САД и другите членки на НАТО сега постојано ја шират приказната дека Кина може да испрати оружје во Русија. Тоа е лага која беше разоткриена на почетокот на украинската криза“, изјави портпаролот на кинеското Министерство за надворешни работи Ванг Венбин на редовната прес-конференција, пишува Index.hr.
„САД и НАТО се најголемиот извор на оружје во Украина“
Коментарите на Пекинг дојдоа откако генералниот секретар на НАТО, Јенс Столтенберг, вчера изјави дека Алијансата е „сè повеќе загрижена дека Кина можеби планира да испрати смртоносна помош за руската војна“.
Ванг денес изјави дека Кина го повикува НАТО „да престане да ја валка Кина со неосновани шпекулации против Украина“ и „да се откаже од менталитетот на студената војна и конфронтацијата на блокот“.
Ванг исто така рече дека САД и другите членки на НАТО се „најголемиот извор на оружје на линијата на фронтот во Украина“.