Десетици луѓе загинаа во руски ракетни напади врз градот Харков во источна Украина, изјави советникот на Министерството за внатрешни работи, Антон Херашченко, кој на Фејсбук изјави дека голем број ракети биле истрелани врз вториот по големина град во Украина. .
На само 40 километри од Русија, Харков денеска се соочи со една од најжестоките битки откако руските војници, тенкови и воени авиони ја преминаа украинската граница.
VIDEO: Wide-scale shelling of the 'Equator' district on the outskirts of Kharkiv. pic.twitter.com/vv7m8xcEsO
— Conflict News (@Conflicts) February 28, 2022
Во неделата, руските сили накратко ја презедоа контролата врз градот со 1,5 милиони жители, за да бидат протерани неколку часа подоцна од украинските борци во неочекуван силен отпор што ја означи почетната фаза на руската инвазија.
„Харков е целосно под наша контрола! Вооружените сили, полицијата и одбранбените сили работат и градот целосно се чисти од непријателот“, изјави регионалниот гувернер на Харков Олег Сињегубов за Телеграм, пренесе Би-Би-Си.
This is what they are doing now to Kharkiv – a city that they totally believed was part of the "Russian world". What will they do to the OTHERS?? pic.twitter.com/PXKVVG5snq
— Christo Grozev (@christogrozev) February 28, 2022
Според Гардијан, нападот се случил иако во тоа време Москва и Киев започнале преговори за прекин на огнот. Веста за ракетните напади дојде неколку часа откако украинското претседателство објави дека започнало преговори со руската делегација на границата со Белорусија, со цел „итно прекин на огнот и повлекување на руските сили“.
Извештаите за загинатите и ранетите во Харков се контрадикторни. Според податоците на градското собрание во Харков, во последното гранатирање една жена загинала, а 31 се повредени. Ранети се 15 војници и 16 цивили, се наведува во соопштението на градското собрание.
My footage of the destroyed column of RU military vehicles on Shevchenko street in Kharkiv. pic.twitter.com/CSTfTcHAcS
— Maria Avdeeva (@maria_avdv) February 28, 2022
Во исто време, Ројтерс јавува, повикувајќи се на регионалниот администратор Олег Синегубов, дека во ракетните напади на руските сили врз станбениот дел на Харков загинале најмалку 11 лица. Синегубов рече дека руските сили користат артилерија за да гаѓаат станбени области на Харков каде што нема украинска војска или стратешка инфраструктура.
„Ова се случува преку ден, кога луѓето одат во аптека, по намирници или вода за пиење. Тоа е кривично дело“, посочи тој.
Another video of the rocket artillery attack in Kharkiv pic.twitter.com/mDb64OrIw2
— OSINTtechnical (@Osinttechnical) February 28, 2022
Тој изјави дека загинале 11 лица, а десетици се повредени.
Засега не може да се потврди бројот на загинати и повредени.
„Денес е попеколно во Харков од вчера“, вака украинската државна обвинителка Ирина Венедиктова ја опиша ситуацијата во градот.
Таа објави видео на Фејсбук на кое се гледа како проектил удира во прозорецот на кујната и ја скинува ногата на жена која подоцна почина во болница.