Портпаролот на Пентагон го обвини Владимир Путин за „изопаченост“ и „суровост“ поради начинот на кој руските сили се однесуваат во Украина, каде што се обвинети за убиства на цивили, вклучително и деца.
Запрашан за време на прес-конференција за психолошката состојба на рускиот претседател во оваа фаза од конфликтот, портпаролот на американското Министерство за одбрана Џон Кирби беше на работ на солзи додека зборуваше за страшните работи што им се припишуваат на руските сили.
„Тешко е да се погледнат некои слики и да се замисли дека некој сериозен лидер може да го направи тоа. Не ја знам неговата психолошка состојба, но мислам дека можеме да зборуваме за неговата изопаченост“, рече Кирби.
Кирби рече дека тоа е „бруталност од најстудениот и најизопачен вид“.
„Мислам дека не го гледаме целосно степенот до кој тој користи таков вид насилство и суровост и, како што реков, перверзии врз невини луѓе, неборци, цивили, со такво целосно непочитување на животите што ги одзема“, кажа тој.
Кирби рече дека е тешко да се погледне што прави Путин во Украина и да се мисли дека „некоја етичка, морална личност би можела да го оправда тоа“.