Пентагон: Русија не одлучува за членството на Финска и Шведска во НАТО

Не е на Русија да одлучи дали Шведска и Финска ќе влезат во НАТО, изјави денеска портпаролот на Пентагон, Џон Кирби.

Тој го рече тоа откако претседателот на Русија, Владимир Путин, предупредил дека приклучувањето на Финска во НАТО би било „грешка“, пренесе Би-Би-Си.

Финскиот претседател Саули Нинисто претходно денеска потврди дека неговата земја ќе поднесе барање за членство во Северноатлантската алијанса.