Перењето пари се повеќе се прави преку криптовалути. И тоа со цел да се прикрие потеклото и движењето на незаконски стекнатите средства, стои во извештајот на Chainalysis.
Во извештајот, кој ги разгледуваше трендовите и новите методи на перење пари, се вели дека крипто се користи за криминал надвор од синџирот, како што се трговија со дрога и измама. Причината е што криптото е „прекугранично, скоро инстант и генерално ефтино за трансакција“, пишува CNBC.
„Растечкото користење на криптовалутите ја направи алатка за перење на приходи од разни криминални дела, како трговија со наркотици и измами. Во 2024 година, перењето на пари со криптовалути ги вклучува сите криминали – не само оној кој е инхерентно поврзан со криптосистемот“, истакнува медиумот.
Ова доаѓа бидејќи вредноста на најголемата криптовалута во светот, биткоинот, скокна за речиси 55% досега оваа година, според LSEG.
„Перачите“ на пари користат различни методи како што се крипто миксери, cross-chain мостови и „прескокнувачи“ меѓу паричниците за да го прикријат протокот на средства.
Крипто миксери или „тамблери“ вклучуваат мешање крипто од различни извори за да биде тешко да се открие нивното потекло и сопственост. Тие, исто така, ги експлоатираат крипто мостовите за да го сокријат потеклото на средствата со нивно преместување помеѓу различни блокчејн мрежи.
„Прескокнувањата“ вклучуваат преместување средства помеѓу бројни посреднички лични паричници за да се избегне откривање.
Од 2019 година, речиси 100 милијарди долари во средства се префрлени од познати незаконски паричници на услуги за конверзија, каде што крипто се претвора во фиат валута, покажаа податоците од Chainalysis. Најголемата сума идентификувана е 30 милијарди долари во 2022 година.
Санкционираната руска крипто берза, Гарантекс не ја достигна рекордната сума бидејќи нејзините услуги им нудат на перачите на пари начин да ги претворат нелегитимно стекнатите криптовалути во готовина.
Но, таа незаконска активност сè уште може да се следи, според Chainalysis.
Крипто перењето може да се следи и анализира со повисок степен на точност и брзина, благодарение на транспарентноста на блокчејнот, во споредба со традиционалните финансиски системи. Сепак, се очекува перењето криптовалути да стане пошироко распространето, според извештајот.
„Како што глобалното прифаќање на криптовалути расте и бариерите за влез се намалуваат, Chainalysis очекува овој вид на перење на пари да стане позначаен, зошто малициозните актери историски превземаат нови технологии за своите сопствени цели“, додаваат од CNBC.