Москва ќе се обиде да ги реши плаќањата на рускиот гас за Србија, во рубљи, изјави денеска портпаролот на Кремљ, Дмитриј Песков.
„Тој (српскиот претседател Александар Вучиќ) е во право, тоа навистина може да биде проблематична ситуација“, изјави Песков за новинарите.
Песков истакна дека Бугарија е „непријателска“ кон Русија, додавајќи дека ќе мора да плаќа во рубљи за рускиот гас, „сакале или не“.
„Но, тоа не важи за Србија. Тоа е проблемот што треба да се реши, а грижата на Србија ќе биде приоритет за нас“, рече Песков.
Вучиќ претходно изјави дека ќе биде проблем плаќањето на рускиот гас во рубљи.
Рускиот претседател Владимир Путин во средата објави дека Русија нема да прима плаќања за продажба на гас во евра и долари, а непријателските земји треба да им наплаќаат на увозниците во рубљи. Тој рече дека идните промени во договорите за закуп на гас со непријателските земји ќе се однесуваат само на валутата на плаќање, односно дека таа ќе биде заменета со руската рубља.