Делумното ембарго на Европската унија за руската нафта ќе има негативно влијание врз целиот енергетски пазар, изјави денеска портпаролот на Кремљ, Дмитриј Песков.
„Овие санкции несомнено ќе имаат негативно влијание, можеби на целиот континент, но секако и на Европејците, на нас и на глобалниот енергетски пазар“, предупреди тој, пренесува ТАСС.
Песков додаде дека европскиот пазар е многу важен за Русија во однос на снабдувањето, но сега Москва презема мерки за ублажување на последиците од овие нови ограничувања, рече Песков.
„Ги пренасочуваме резервите на други дестинации. „Тоа се решителни, систематски акции кои ќе ни овозможат да ги минимизираме сите негативни ефекти“, појасни тој.
Песков посочи дека самата Европа ќе се соочи со сериозно враќање на сопствените одлуки и дека ќе мора да ги трпи последиците.
Членките на ЕУ во понеделникот го одобрија шестиот пакет санкции против Русија, вклучително делумно ембарго за увоз на руска нафта и исклучување на Сбербанк од меѓународниот систем на трансакции SWIFT.
Фото: Михаил Метцель/ТАСС