Песков ги отфрли информациите дека севернокорејски војници се борат на страната на Русија во Украина

Портпаролот на Кремљ, Дмитриј Песков, ги отфрли информациите дека Северна Кореја испраќа свои војници да се борат на страната на Русија во војната со Украина.

На прес-конференцијата Песков ги нарече тие извештаи лажни, пренесе ТАСС.

Извештајот дека севернокорејски воен персонал може да биде испратен во Украина го претстави јужнокорејскиот министер за одбрана Ким Џонг-хјун.