Портпаролот на Кремљ, Дмитриј Песков, ги демантираше информациите дека Русија наводно му сигнализирала на јужноафриканскиот претседател Сирило Рамафоза дека апсењето на рускиот претседател Владимир Путин по наредба на Меѓународниот кривичен суд на самитот на БРИКС ќе значи објавување војна.
„Не, ние никогаш не го кажавме тоа. Никој не се обиде никого да натера ништо да разбере. Во овој свет, на сите им е апсолутно јасно што значи кога се обидувате да се закачате со шефот на руската држава. Така што нема потреба ништо да му објаснуваме на било кого“, им рекол Песков на новинарите, пренесува ТАСС.
Како што соопштија од кабинетот на јужноафриканските лидери, Путин со заеднички договор нема да присуствува на самитот на БРИКС во Јужна Африка во август, а Русија ќе ја претставува министерот за надворешни работи Сергеј Лавров.
На 17 март МКС издаде налози за апсење на рускиот претседател Владимир Путин и комесарката за правата на децата на рускиот претседател Марија Лвова-Белова, тврдејќи дека тие се одговорни за нелегалната депортација на украинските деца.