176
Пет британски воени заробеници кои Русија ги ослободи во размена со Украина пристигнаа во Велика Британија, соопшти денеска непрофитната организација „Президиум Нетворк“.
Според оваа организација, која врши евакуација на семејства и поединци од воените зони, тоа се Ејден Аслин, Шон Пинер, Џон Хардинг, Дилан Хили и Ендрју Хил, пренесе „Ројтерс“.
Руското министерство за одбрана соопшти претходно денеска дека украинската страна во размена на затвореници ослободила 55 припадници на армијата на Руската Федерација и самопрогласените Доњецка и Луганска народна република.