Најмалку 10 лица, меѓу кои седум деца загинаа при потонување на дрвен брод на мигранти во близина на брегот на грчкиот остров Лезбос, објавија властите на земјата. Првичните податоци покажуваа седум загинати, меѓу кои пет деца, но подоцна беа пронајдени телата на уште тројца удавени – две деца и една жена.

Наводно, се спасени 241 лица кои се со тешка хипотермија поради времето поминато во студените води на морето. Грчки патролни бродови и хеликоптер, како и рибарски бродови и жители на островот со авиони се вклучија во спасувачките операции, кои беа отежнати поради темнината и силниот ветер. Според локалните медиуми во болница се однесени деца во критична состојба. Полицијата соопштува дека не е јасно колку точно патувале на бродот и колку луѓе уште може да се покажат во водата. Вкупно 39 стана бројот на мигрантите кои се удавиле овој месец  во водите на Грција, обидувајќи се да стигнат до копното. Од почетокот на годината 560 000 мигранти и бегалци од Сирија, пристигнаа во Грција по вода, а до  Европа преку  Средоземното Море се околу 700 000, објавија од Меѓународната служба за миграции. Повеќе од 3 200 лица загинале во овие патувања во морето, како повеќето од нив се деца