Пет лица се повредени, од кои едно со повреди опасни по живот, при излетување од автопатот Белград-Ниш кај селото Алексинац, Катун, соопшти Полициската управа во Ниш.
Полицијата соопшти дека несреќата се случила синоќа околу 23:00 часот, кога автобус со германски регистарски таблички излегол од автопатот.
„Автобусот се движел од правец на Белград кон Ниш кога се случи несреќата. Сообраќајот на автопатот не беше запрен, но се движеше бавно до раните утрински часови“, изјавија за агенцијата Бета од полициската управа во Ниш.
Од Универзитетскиот клинички центар (УКЦ) Ниш соопштија дека од петтемина повредени патници во најтешка состојба е пациентот А.С. (20) кој во незгодата се здобил со тешки повреди на градниот кош, двете потколеници, двете стопала, левата бутна коска и главата.
„Со оглед на сериозноста на повредите, по дијагнозата, пациентката е пренесена во операционата сала на Ургентниот центар. По неколкучасовна операција во која учествуваше мултидисциплинарен лекарски тим, утринава е сместена на одделот за интензивна нега на Клиника за анестезија. Таа е во многу тешка состојба, опасна по живот“, соопштија од УКЦ.