Состојки:
– 3 јајца
– 250 гр брашно
– 350 мл млеко
– 1 дл минерална вода
– 1 лажичка сол
– 1 лажичка шеќер
Фил:
– 500 гр пилешко бело месо
– 2 главици кромид
– 300 мл пасирани домати
– 250 мл супа од зеленчук
– 3 лажички слатка црвена пиперка
– 150 гр павлака
– 1 лажичка шеќер
– лута пиперка
– сол, бибер и други зачини по желба
– масло
– павлака за декорација, по желба
Подготовка:
Прво изматете ги и испечете палачинки од горенаведените состојки.
Пилешкото исечкајте го на мали коцки. Исечкајте го и кромидот и потоа пропржете го малку на масло.
Кога ќе добие златно жолта боја, додадете го месото и динстајте го со кромидот 10 минути со постојано мешање.
Потоа на средината на садот намачкајте малку месо и додадете слатка пиперка која кратко ќе ја пропржите.
Се прелива со домати, се додава супа, сол, бибер, се додава една лажичка шеќер и по желба и други зачини, како и лута пиперка.
Гответе 10 минути, а потоа тргнете го садот од шпоретот. Прецедете го сосот од месото преку цедалка во друг сад, а палачинките наполнете ги со месото.
Повторно ставете го сосот на шпорет, додадете ја павлаката и оставете да се крчка минута-две.
Наполнетата палачинка ставете ја на чинија, прелијте ја со неколку лажици сос, по желба додадете една лажица павлака и послужете.