Пилотите на Луфтханза ќе штрајкуваат, се очекуваат големи нарушувања за патниците

Пилотите на германската авиокомпанија Луфтханза денес гласаа за штрајк, што се очекува да предизвика големи нарушувања за патниците.

Според официјалните бројки, 90 проценти од пилотите на Луфтханза и 95 проценти од пилотите на товарните авиони на Луфтханза учествувале во анкетата, а меѓу нив 88 проценти и 96 проценти гласале за штрајкот. Сè уште не е објавен конкретен датум за протестот.

Главната причина за спорот се професионалните пензии за околу 4.800 пилоти. Синдикатот бара повисоки придонеси од работодавачите во пензискиот систем на компанијата, бидејќи нивното ниво се намалило од реформата во 2017 година поради ниските каматни стапки.