ПЛАНЕТА Земјата минатата недела го доби својот петти океан. По Арктичкиот, Атлантскикот, Индискиот и Тихиот, сега е признат и Јужниот океан.
National Geographic Society официјално го призна Јужниот океан на 8 јуни на Светскиот ден на океанот.
Еве што треба да знаете за Јужниот океан
1. Беше дел од Тихиот океан. Тоа е океан кој целосно го опкружува Антарктикот и се протега северно од Антарктикот до 60 степени јужна географска ширина, а е поврзан со Атлантскиот, Индискиот и Тихиот океан.
2. Денес тој е втор најмал океан во светот. Само Арктичкиот океан е помал.
3. Тој е одделен од другите океани со струи, а не со континенти.
4. Живеалиште е на уникатен екосистем. Тоа е единственото место во светот каде што можете да видите царски пингвин и илјадници други уникатни организми кои не живеат на друго место.
5. Промена во образованието. Студентите учат за океаните преку оние океани што ги проучуваат. Ако Јужниот океан не е вклучен, тогаш тие нема да ги научат неговите специфики и колку е тој навистина важен.
Научниците официјално не го признаваа со години. До сега
„Јужниот океан одамна е признат меѓу научниците, но бидејќи немаше меѓународен договор, ние никогаш не го признавме официјално“, рече географот Алекс Таит. Научниците го признаваат петтиот океан повеќе од 20 години, во кој се наоѓа и Антарктичката циркумполарна струја (Antarctic Circumpolar Current – ACC), студена морска струја која се движи од запад кон исток, а научниците веруваат дека се формирала пред 34 милиони години, кога се разделил просторот на денешниот Антарктик од Јужна Америка.
Токму поради ACC, водите на Јужниот океан се постудени и помалку солени од водите на север и обезбедуваат живеалиште за илјадници видови, појаснуваат научниците. Исто така, за Јужниот океан се вели дека е „витална компонента на променливата Земјина клима и дека ACC е единствената глобална струја што користи вода од трите океана што го опкружуваат за да пренесе топлина преку целата планета“.
Океаните зафаќаат 71 процент од површината на Земјата и, според толкувањето на Националната управа за океани и атмосфера на САД, претставуваат единствено и континуирано водно тело од големи димензии.