Хрватскиот премиер Андреј Пленковиќ изјави денеска дека Русија е подготвена да ја достави вакцината Спутник V во Хрватска.За време на неговата посета на округот Дубровник-Неретва, тој за новинарите изјави дека хрватската агенција за лекови разговара за тоа што може да се направи легално и да се почитува законодавството на ЕУ, објави Хрватската радио-телевизија.
„Откако ќе биде одобрена од Европската агенција за лекови, ќе може да се користат тие вакцини и во Хрватска. Треба само да бидеме безбедни во однос на јавното здравје “, рече хрватскиот премиер.
Тој рече дека испораката на вакцините ќе се забрза во текот на март.
„Минатата недела разговаравме со некои фармацевтски компании. Испораката ќе се забрза во текот на март. Очекувам повеќе од 600.000 нови дози до крајот на март “, додаде Пленковиќ.
Тој рече дека во вториот квартал се очекува уште поголема испорака и надоместување на долговите од јануари и февруари.
Според денешните податоци на Националниот штаб за цивилна заштита, досега во Хрватска се вакцинирани 67.825 лица, од кои 52.788 ги примиле двете дози на вакцината.
Во Хрватска, како и во повеќето земји-членки на ЕУ, се користат вакцини произведени од „Модерна“, „Фајзер“ и „АстраЗенека“.