По 26 години постоење, компанијата „Амазон“ ја вклучи Босна и Херцеговина на својата листа, што овозможува продажба, но и купување преку оваа најголема продавница во светот.

Азра Заимовиќ, професор на Економскиот факултет во Сараево, ја сподели информацијата дека на претприемачите во Босна и Херцеговина им е дозволено да продаваат на „Амазон“.

Имено, пред две недели компанијата „Амазон“ го ревидираше списокот на држави со кои им е дозволено да регистрираат продавачи, а сега на таа листа е и Босна.

Единствениот начин досега продавачите на БиХ да ги продаваат своите производи на „Амазон“ е формирање компанија во една од земјите од каде е дозволена продажба.

Ова создаде дополнителни трошоци за секого и значително го отежна пристапот до пазарот. Сепак, Босна и Херцеговина конечно се најде во најголемата онлајн продавница во светот меѓу 188 земји, откако оваа компанија додаде 85 нови земји.

Амазон на тој начин им овозможи на купувачите на располагање купување на повеќето производи од БиХ, бидејќи досега беше можно да се купат само одредени производи како што се книги и ЦД / ДВД, а отсега натаму се достапни опрема, играчки, облека, па дури и храна.