По околу шест месеци на Меѓународната вселенска станица (ISS), двајца Американци, еден Русин и еден астронаут од Обединетите Арапски Емирати безбедно се вратија на Земјата.
Станува збор за двајцата астронаути на НАСА, Стивен Бовен и Ворен Вуди Хобург, како и Русинот Андреј Федјаев и Султан ал Нејади од Обединетите Арапски Емирати, кој е првиот астронаут од арапските земји кој поминал долго време во орбитата, објави АП.
Нивното враќање беше одложено за еден ден поради лошото време. SpaceX ги испрати своите замени до Меѓународната вселенска станица пред повеќе од една недела.
Уште една промена на екипажот ќе се случи подоцна овој месец, а двајца Руси и еден Американец кои поминаа една година на ISS ќе се вратат на Земјата.
На Меѓународната станица престојуваат седум астронаути.