Украинските експерти предупредија дека потонатиот руски крстосувач „Москва“ е дизајниран да носи боеви глави, поради што го поставуваат прашањето каде се тие сега?
Украинскиот воено-политички аналитичар и директор на украинската нова геополитичка истражувачка мрежа, Михаил Самус, како и уредникот на „Black Sea News“, Андриј Клименко и украинскиот весник „Дифенс експрес“ во петокот предупредија дека потонатиот руски крстосувач Москва е дизајниран да носи боеви глави што можат да бидат поставени во носот на суперсонични ракети P-1000, наменети за уништување на американски носачи на авиони.
„Москва би можела да има две нуклеарни боеви глави на бродот“, рече Самус, кој пред руската инвазија на Украина за „Јутарњи лист“ изјави дека се сомнева дека Русија ќе нападне бидејќи ќе бидат потребни половина милион војници и 5.000 тенкови за да ја окупира цела или поголемиот дел од Украина.
Клименко, пак, ги повика другите црноморски земји, Турција, Романија, Грузија и Бугарија да инсистираат на објаснување.
„Каде се овие боеви глави? Каде беа тие кога експлодираше муницијата?“, праша Клименко.
„Дифенс експрес“, пак, соопшти дека експертите едногласно и независно рекле дека постои реална можност погодениот водечки брод на руската Црноморска флота да има нуклеарно оружје на него.
„Дали нуклеарното оружје е секогаш на бродот или само по посебна нарачка?“ прашува „Дифенс експрес“.
Не е познато и што се случило со 510-те членови на екипажот по експлозијата што предизвика пожар откако бродот наводно бил погоден од две украински крстосувачки ракети Нептун.
Засега е познато само дека турскиот брод биле превезени околу 50 членови на екипажот, додека уште 14 морнари наводно биле превезени до пристаништето во Севастопол. Не се знае судбината на повеќе од 400 Руси.
Русија тврди дека го евакуирала целиот екипаж, но видеото снимено синоќа во Севастопол покажува десетици автомобили, наводно, на морнари, сè уште паркирани во пристаништето, што сугерира дека нивните сопственици не се вратиле по нив, пишува Јутарњи.