ПО ПОВЕЌЕ ОД 450 ГОДИНИ ПОСТОЕЊЕ: Традиционална германска пиварница поднесе барање за банкрот

По повеќе од 450 години бизнис, традиционалната германска пиварница Viechtacher поднесе барање за стечај.

– Традиционалната пиварница Viechtacher од северна Баварија веќе некое време се бори со проблеми. Компанијата најде и нов инвеститор. Сепак, посакуваното финансирање не се оствари, пренесува „КА-Инсајдер“.

Понудата на потенцијалниот инвеститор е повлечена. Тоа значи дека пиварницата Viechtach се враќа на почеток. Сепак, бизнисот засега треба да продолжи непроменет. За ова работниците беа информирани минатата недела.

Што ќе се случи понатаму со пиварницата, основана во 1553 година, се уште е неизвесно. Сепак, косопственикот Маркус Грисер е оптимист. Обезбедена е и набавка на пиво за планираните фестивали.