Пејачката Бритни Спирс деновиве ужива во успехот кој долго го чекаше. Таа имаше тешка и предизвикувачка година зад себе, но се чини дека работите конечно тргнаа во нагорна линија за пејачката.
По разводот со Сем Асгари и бројните семејни проблеми, поп ѕвездата неодамна објави мемоари кои се продаваат со огромна брзина.
Нејзините мемоари „Жената во мене“ се продадени во 1,1 милион примероци само во САД во првата недела по објавувањето.
„Во мемоарите ги влеав срцето и душата и благодарна сум на многубројните фанови и читатели ширум светот за нивната непоколеблива поддршка“, рече меѓу другото Спирс во изјавата за книжарницата Gallery Books.
Податоците за продадените копии вклучуваат однапред нарачани книги, печатени копии, аудио книги и е-книги, наведе АП.
Нејзините мемоари беа пофалени од критичарите како привлечна приказна за нејзиниот пораст до глобална слава и тешкотиите што ја снајдоа, посебно за време на старателство што со години му даваше на нејзиниот татко контрола над поголемиот дел од нејзиниот живот.
И покрај тоа, „Жената во мене“ не беше најпродаваната книга во првата недела од објавувањето во САД, бидејќи мемоарите на британскиот принц Хари „Резерва“ беа продадени во 1,6 милиони примероци во првата недела.