Лиза Мари Присли го чувала телото на својот покоен син во својата куќа два месеци, пишува таа во своите мемоари „From Here to the Great Unknown“.
Мемоарите ги завршила нејзината ќерка Рајли Кеог, врз основа на белешките што Лиза ги оставила зад себе.
Лиза беше уништена кога нејзиниот син Бенџамин Кеог почина во 2020 година на 27-годишна возраст. Во книгата пишува дека неговото тело било во куќата до погребот.
„Ни рекоа дека ако можеме да се грижиме за телото, можеме да го имаме дома, па таа некое време го чувала во куќата во мраз“, напишала Рајли.
„Беше многу важно мајка ми да има доволно време да се поздрави со него, исто како што тоа го правеше со нејзиниот татко. Ќе одев со неа и ќе седев таму до него“, додаде таа.
Во мемоарите се наведува и дека телото на Бенџамин било во посебна просторија.
„Во Калифорнија не постои закон дека треба да закопате некого веднаш. Најдов многу емпатичен сопственик на погребна куќа“, објаснува Лиза во книгата.
„Јас ѝ реков дека ми беше корисно да го имам татко ми во мојата куќа откако тој почина, бидејќи можам да одам да поминувам време со него и да разговараме. Таа рече: „Во ред, остави го Бен со тебе. Тој може да биде таму“, додава Присли.
Била среќна, пишува таа, што може уште малку да биде со него.
И Присли и нејзиниот син сега се погребани во Грејсленд, како и нејзиниот татко.
Лиза Мари Присли, единствената ќерка на легендарниот музичар Елвис Присли, ненадејно почина минатата година на 55-годишна возраст.