Веста за новата верзија на коронавирусот ги преплави пазарите во петокот, при што американските индекси S&P 500 и Nasdaq Composite го забележаа својот најлош ден од октомври 2020 година.

Во Европа, хартиите од вредност исто така беа во „црвено“, а Stoxx 600 избриша повеќе од три проценти од својата вредност на најлошиот ден во последните 18 месеци.

Блумберг проценува дека падот во петокот избриша повеќе од 2 трилиони долари пазарна вредност.

Инвеститорите беа загрижени поради шпекулациите дека новата опција е три пати позаразна, што пак предизвика бран нови рестриктивни мерки во голем број земји во светот.

Сепак, се чинеше дека реакцијата беше претерана и во понеделникот фјучрсети „светана“ во зелено.

Податоците од рано наутро покажуваат дека Dow Jones Industrial Average е зголемен за 0,7 проценти; S&P 500 со 0,96 отсто и Nasdaq 100 со 1,19 отсто.

На Стариот континент британскиот FTSE ќе отвори со 97 поени повисоко, германскиот DAX со 191 и францускиот CAC 40 со 99 поени, пишува CNBC.

Нафтата, исто така, додаде 3 долари на нејзината цена.

Азија изгледа позагрижена и акциите во регионот паднаа во понеделникот.