275
Поранешниот украински претседател Виктор Јушченко вели дека би било катастрофа за светот доколку претседателот Путин биде успешен во инвазијата на Украина и ако продолжи да ја држи својата моќ во Русија.
Јушченко, кој беше лидер на Украина од 2005 до 2010 година, изјави за Би-Би-Си дека може да предвиди само два можни начини за ставање крај на сегашниот конфликт.
„Или ќе го истиснеме последниот руски војник од Украина и тоа ќе биде делумен одговор на победата во оваа војна“, рече тој. „Постои уште една опција, која е теоретска, а тоа е кога ќе умре последниот украински херој“, додаде тој.
„Тука е и Русија, која е поробен народ ако продолжи под Путин, а тоа би било катастрофа за целиот свет“, додаде тој.