Познатата актерка Валери Махафи, која остави трага со своите улоги во сериите „Очајни домаќинки“, „Младиот Шелдон“ и „Мртва за мене“, почина на 30 мај 2025 година во Лос Анџелес, по тешка битка со рак. Нејзиниот сопруг, Џозеф Кел, ја потврди тажната вест, изјавувајќи: „Ја изгубив љубовта на мојот живот, а Америка ја изгуби една од своите омилени актерки. Ќе ни недостига“.
Валери беше позната по бројни телевизиски улоги. Една од најпознатите е во серијата „Northern Exposure“ („Животот на север“), за која во 1992 година ја освои престижната награда Еми за најдобра споредна женска улога. Играше и во „Очајни домаќинки“ (каде што ја толкуваше Алма Хоџ), „Младиот Шелдон“ како наставничката Викторија МекЕлрој и во серијата „Мртва за мене“ во улогата на Лорна Хардинг.
View this post on Instagram
Покрај телевизијата, Валери имаше и значајни улоги на филмскиот платно. Се појави во филмовите „Jungle 2 Jungle“ (1997), „Seabiscuit“ (2003), „Sully“ (2016) и „French Exit“ (2020), каде што глумеше заедно со Мишел Фајфер. За оваа улога беше номинирана и за наградата Independent Spirit за најдобра споредна женска улога. Во последно време глумеше во серијата „Echo 3“ на Apple TV+ (2022) и во филмот „The Eighth Day“, објавен оваа година.
Валери Махафи е родена на 16 јуни 1953 година во Индонезија. Кариерата ја започна на Бродвеј, а потоа се посвети на телевизија и филм. Настапуваше во многу театарски претстави, вклучувајќи „Дракула“, „Play Memory“, „Top Girls“, „Talking Heads“, „Othello“ и „Romeo and Juliet“. Зад себе ги остави сопругот Џозеф Кел и ќерката Алис.