Словенечката манекенка Леа Плут (38) почина, а оваа тажна вест на социјалните мрежи ја сподели нејзиниот партнер, фотографот Саша Капетановиќ. „Љубов моја, чекај ме каде и да си“, напиша тој во описот на објавата што ја сподели на Инстаграм.
Многумина изразија сочувство и зборови на поддршка за нејзиното семејство и пријателите во коментарите. Леа и Саша поминаа 16 години заедно, а зад себе остави и две ќерки.
„Не можете да планирате љубов. Тоа се случи рано, а јас во младоста им се препуштив на чувствата и изградив семејство. Тројцата патувавме многу, но кога дојде новиот, најмладиот член, таа не „приземји“ извесно време. Кога ќе се ослободиме од пелените, наш приоритет ќе биде повторно да го истражуваме светот и да запознаеме нови култури“, рече таа веднаш по раѓањето на својата втора ќерка.
Во 2006 година, кога имаше само 20 години, Леа ја освои титулата словенечки супермодел, а потоа продолжи да се занимава со манекенство. Во текот на нејзината кариера соработувала со бројни познати брендови.
Покрај манекенството, нејзина голема љубов беше и готвењето, па во 2017 година се натпреваруваше во третата сезона на словенечкиот Masterchef. Иако е рано исфрлена од шоуто, вели дека тоа за неа било позитивно искуство од кое научила многу корисни работи.