Синот на актерот Тим Рот, музичарот Мајкл Кормак Рот, почина на 25-годишна возраст по битка со ракот на герминативните клетки, пишува „Дејли мејл“.
„Тој беше дива и електрична топка на енергија и неговиот дух беше исполнет со светлина и добрина“. Колку и да беше див, Кормак беше и олицетворение на добрината. Нежна душа која донесе толку многу среќа и надеж за сите околу неа. Тагата доаѓа во рафали, како и солзи и смеа, кога ќе помислиме на тоа прекрасно момче од 25 години и 10 месеци – колку што го познававме. Радосно и диво и прекрасно дете. Неодамна човек. Го сакаме. Ќе биде со нас каде и да одиме“, велат од семејството.
Во ноември 2021 година, синот на актерот објави на Инстаграм од што боледува и соопшти дека го изгубил слухот на едното уво и изгубил многу килограми.
„Ракот ми одзеде половина од слухот, мојата самодоверба, ќе продолжи по својот пат додека не можам некако да го запрам и да го убијам“, започна музичарот.
„Но, болеста не ми ја одзеде волјата за преживување, ниту љубовта кон создавање музика. Таа сè уште не ме соборила. Ако вие или некој што го сакате боледува од рак, слободно контактирајте ме бидејќи тоа е емотивен тобоган за разлика од сите други. Љубов за сите вас, ве молиме погрижете се да ги правите работите што ги сакате. Животот е краток. Тоа е хаос. И никогаш не знаеш кога ќе бидеш ти. Бидете добро и посетете лекар. Кој го е*е ракот“, додаде Мајкл.
Мајкл Кормак Рот почина на 16 октомври годинава, но семејството дури вчера излесе со соопштение.
Тим Рот го гледавме во разни филмски продукции како „Улични кучиња“, „Педесет приказни“, „Четири соби“, „Планета на мајмуните“, „Убиј го кралот“, „Одвратните осум“, „Беше еднаш во Холивуд“ и други.