Парламентот на Шпанија ја започна расправата за признавањето на независноста на Косово.
Ова прашање е трета точка на дневниот ред на шпанските пратеници.
Иницијативата ја презеде парламентарната група на каталонската партија Жунтс, каде што се тврди дека Косово е „правна и демократска држава со околу 1,7 милиони жители“, која е призната како независна држава од над 100 земји, меѓу кои и 22. членки на ЕУ.
„Одбивањето на Шпанија да признае држава која го искористила своето легитимно право на самоопределување е пречка за европската политика за вклучување на Западен Балкан во ЕУ и тоа е фактор на дестабилизација на областа во контекст кој се карактеризира со војната во Украина што овој дел од Европа ја доживува со посебна вознемиреност“, велат Жунтс во образложението.