Почна погребната церемонија за патријархот Иринеј: Епидемиолозите сметаат дека настанот е ризичен

Во Белгад, поточно во Храмот Св.Сава започна погребната церемонија на која последен поздрав ќе му се испрати на патријархот Иринеј, кој пред два дена почина како последица од Коронавирусот.

Во тек е литургијата која ја предводи митрополитот добробосански Христозом.

Како и вчера, телото е покриено со стакло, а ковчегот е поставен во средината на храмот. Присутни се сите владици и 16 свештеници,но и претставници на други верски заедници, а најавено е да оддржи говор и српскиот претседател, Александар Вучиќ.

Редица од луѓе и во текот и ноќта, но и утринава се уште пристигнуваат да се простат од поглаварот на СПЦ, Иринеј, а епидемиолозите сметаат дека ваквиот последен поздрав е сериозен здравствен ризик.