Само 59% од луѓето ширум светот користат паметни телефони, според истражувањето на истражувачката организација Pew Research Center, кое опфаќа десетици земји на сите континенти.
Во исто време, малку повеќе од една третина од луѓето користат обични мобилни телефони, додека 8% не користат ниту паметни телефони или обични телефони.
Највисокa е пенетрацијата на паметните телефони во Јужна Кореја, каде што 94% од населението користи паметни уреди. Останатите 6% од Корејците користат обични мобилни телефони.
На второ место по удел на корисници на паметни телефони е Израел – стапката на пенетрација е 83%. Во првите три влегува Австралија, која има удел од 82%, според моменталните податоци на Pew.
На дното на листата се Индонезија, Индија и Танзанија со 27%, 22% и 13%, соодветно.