Потпретседателот на САД Џо Бајден веројатно ќе се кандидира за претседател на САД, со што радикално ќе го промени сликата во кампот на Демократската партија, каде сега Хилари Клинтон е практично без конкуренција, пишува “Вашингтон тајмс”.
Весникот се повикува на извори од екипата на Бајден, кои тврдат дека тој бил веќе блиску до такво решение и требало да ја објави кандидатурата следниот месец.
Во неговото лице, поранешната прва дама и поранешниот државен секретар на САД Хилари Клинтон ќе се сретне со грозен противник кој е исто како неа е добро познато лице во земјата, а и сигурно ќе привлече многу спонзори, коментира весникот.
Веќе имало бизнисмени кои напорно работат за неговата кандидатура. Тоа се луѓе кои во минатите две кампањи го поддржуваа сегашниот претседател Барак Обама, пишува весникот. Првата задача им е сега да го убедат Бајден да се кандидира, и тие, изгледа, ќе успеат, наведува авторот.
Самите раководители на Демократската партија го поттикнувале да го направи тоа, што гарантира силна поддршка и од партиската машина. Нивни студии укажуваат дека најмалку 30 отсто од партиските активисти сакале да го видат Бајден во трката, бидејќи не биле ентузијаст од сегашната фаворитка – Хилари Клинтон, по најразлични причини.
72-годишниот Бајден досега не давал мислење за ова прашање, но и никогаш не е исклучена можноста да се кандидира. Неодамна, сепак го снајде трагедија – најголемиот негов син, Бо Бајден, почина од рак на мозокот, по што потпретседателот започнал да испраќа сè повеќе јасни сигнали дека ќе се стреми кон Белата куќа. Како покојниот веќе Бо, така и другиот син – Хантер, го поттикнувале да преземе таков потег, напиша минатата недела друг американски весник – “Волстрит џурнал”.
Во исто време и кампот на Клинтон не стои со скрстени раце. “Вашингтон тајмс” објави дека нејзината кампања е на пат да постигне поставената цел, регрутирање од спонзори рекордна сума од 45 милиони. Долари за првите три месеци откако таа се вклучи во битката за Белата куќа.
Авторитетното електронско издание “Политико”, пак, објавија дека само организацијата “Прајоритис Ју Ес Еј акција”, која силно лобира за Клинтон, собрала за првото полугодие 15,5 милиони долари во фондот на нејзината кампања. Два милиони дал само Холивудскиот магнат Сејбн, а со 1 милион се вклучил и милијардерот финансиер Џорџ Сорос.
Клинтон, нагласува “Политико”, е како тенк, кога станува збор за прибирање средства од спонзори. Изданието сепак забележува дека некои од најбогатите поддржувачи на демократите се воздржани да даваат пари за нејзината кампања.