Производителите на автомобили во Јужна Кореја и во странство ги усогласуваат своите стратегии за да се фокусираат на евтините електрични возила (ЕВ) во 2024 година, надевајќи се дека ќе ја зголемат продажбата на автомобили во услови на пад на побарувачката предизвикана од забавената глобална економија.
Kia е еден од водечките производители на автомобили, а се разликува по цените, што ќе се види во 2024 година кога оваа автомобилска компанија го објави лансирањето на EV3 и EV4, два нови модели, со како што велат „разумен ценовен опсег од 35.000 до 50.000 долари, пишува Korea Times.
Производителот на автомобили досега се фокусираше на продажба на модели со средна и поголема големина, но одлучи да ја диверзифицира својата ЕВ линија со модели со пониски цени.
Тие проценуваат дека има поголеми шанси цената на EV3 да падне до границите од 30 милиони вони и 40 милиони вони, откако купувачите ќе добијат субвенции за купување на возилото.
Hyundai Motor исто така е подготвен да претстави електрична верзија на својот најмал SUV Casper во втората половина на 2024 година, отворајќи го патот за ерата на електрични возила. Неговата цена не се очекува да надмине 30 милиони вони, што најверојатно ќе го направи најевтиниот модел на електричен автомобил во Јужна Кореја.
Volvo Cars Korea неодамна го претстави својот најмал EX30 SUV – EV, со цена од 55,16 милиони вони. Возилото треба да биде достапно во продажба во првата половина на 2024 година.