252
Актерот Метју Пери беше погребан во петокот на гробиштата во Лос Анџелес, опкружен со семејството и најблиските пријатели, објавија американските медиуми.
На погребот на легендарниот Чендлер Бинг од „Пријатели“ присуствуваа таткото на актерот Џон Бенет Пери, мајката Сузан Морисон и очувот Кит Морисон, како и колегите на Метју од популарната серија Џенифер Анистон, Лиза Кудроу, Кортни Кокс и Дејвид Швимер, како и други членови на семејството, сите облечени во црно, пренесува Ројтерс.
Пери, кој почина во саботата на 54-годишна возраст, беше погребан на гробиштата Форест Лон во близина на Лос Анџелес, каде што се закопани многу филмски ѕвезди, а се наоѓа во близина на студиото на Ворнер Брос, каде што се снимаше „Пријатели“.