Полициската управа во Бања Лука објави фотографии од лицето по кое трагаат во врска со грабежот на милион евра во бањалучката населба Лауш.
Полицијата трага по десет сторители на ова дело, од кои седум соучесници, а тројца директни сторители. Полицијата утврдила дека зад се стојат десет грузиски државјани.
Еден сторител, маж од Грузија, е уапсен и спроведен во Окружното јавно обвинителство, беше речено денеска на прес-конференцијата на полициската управа во Бања Лука.
Во вторникот разбојници го нападнале и ограбиле сопственикот на менувачницата Ј.П.
Крадецот и пришол одзади додека била на прагот и и ги искинал торбите во кои наводно имало околу два милиони марки и побегнал.
Началникот на полициската управа во Бањалука, Ѓурица Вукелиќ, вели дека во рамки на акцијата „Х“ биле преземени повеќе дејствија за откривање на сторителите, а на аеродромот во Сараево е уапсен грузиски државјанин. Како што се испоставува, тоа е Ное Твалбеишвили.
„Подолг период одредени државјани на Грузија се присутни на територијата на Босна и Херцеговина, каде дошле со намера да извршат кривични дела. Нивна цел биле лица кои имаат менувачници. Станува збор за меѓународна организирана криминална група“, рече Вукелиќ.
Тој вели дека сите имале јасно поделени улоги и дека поединци носеле возила во градот кој е цел на злосторството. Потоа се вратиле во својата земја со авион или автобус, а други формации имале задача да ги идентификуваат и следат жртвите.
„Тие ги утврдија животните навики на жртвите. Влегле во менувачници, ги следеле работниците и сопствениците и утврдиле како вадат пари. Во групата имало лица кои обезбедувале станови и друга логистика, но и лица кои биле задолжени за извршување на кривични дела без употреба на оружје“.