Грчката полиција претреси неколку домови во Атина и приведе неколку десетици осомничени во акција за фудбалски хулигани кои се сомничат за насилство на спортските терени, по смртта на полицаец во декември.
Рациите почнаа во неделата навечер и продолжија утрово, соопшти грчката полиција.
Полицаецот Јоргиос Лигеридис (31) загинал на 27 декември кога бил погоден за време на тепачка меѓу хулигани на одбојкарски натпревар во Атина, пренесува АП.
Фудбалските хулигани во Грција често се судираат и на други спортски настани. По смртта на полицаецот, на навивачите им беше забрането да присуствуваат на фудбалските натпревари во Премиер лигата на два месеци, додека беа воведени безбедносни измени.
Навивачите кои сакаат да одат на стадионот сега мора да имаат QR код издаден од владата на телефонот за да влезат во спортскиот објект.