Полицaјци маскирани во Дедо Мраз и џуџиња уапсиле дилер

Перуанските полицајци, маскирани во Дедо Мраз и џуџиња, упаднале во куќа во Лима за да уапсат маж осомничен за трговија со дрога, пренесува CTV News.

Маскираните агенти во неделата со цивилно комбе дошле до куќата на осомничениот, во која провалиле користејќи голем чекан.

Полицијата во неговата куќа пронашла торба со неколку стотици пакетчиња марихуана, кокаин и револвер. Уапсениот бил снимен како продава дрога пред неговата куќа во близина на училиште.

Спроведувањето рации со маскирани полицајци, особено за разбивање на нарко банди, е вообичаена тактика на перуанската полиција. Властите тврдат дека маскирањето и елементот на изненадување донеле значителен успех во последните неколку години.