Полицијата во Германија откри фарма со 110 опасни змии

Полицијата во Германија денеска соопшти дека открила повеќе од 110 опасни змии на фарма, кога жена која живеела таму побарала лекарска помош по каснување.

35-годишна жена рано утринава со автомобил се упатила во болница во Салцгитер во близина на Хановер и на лекарите им кажала дека една од змиите ѕвечарка ја каснала за прстот.

Бидејќи нејзината состојба се влошувала, а властите веднаш нарачале противотров од специјализиран институт во Хамбург, полицијата отишла на фармата во централна Германија и пронашла десетици змии.

Полицијата соопшти дека експертите откриле дека збирката на змии вклучувала видови кои биле отровни и кои стегаат и дека не биле сместени во соодветни терариуми.

Полицијата ги конфискувала сите змии.