120
За да ги наполните провансалскиве печени домати ќе ви треба само едноставна смеса од лебни трошки и зачински билки. Може да ги послужите со речиси секој летен оброк, па дури и за појадок, како прилог кон пржените јајца.
Рецептот е на Дејвид Танис, автор на неколку готвачи и колумнист за Њујорк Тајмс.
8 средни домати
Сол
Мелен бибер
1 чаша лебни трошки
2 чешниња лук, истолчени со малку сол
2 лажици сечкан магдонос
2 лажици сечкан босилек
1 лажичка сечкана мајчина душичка
30 гр. рендан пармезан или пекорино
Прстофат буковец, по желба
- Загрејте ја рерната на 200 °Ц. Со малечок нож, засечeте круг околу дршките на доматите. Употребете лажичка за да го извадите јадрото на секој домат. Зачинете ги доматите со сол и бибер, па ставете ги во тавче.
- Измешајте ги лебните трошки, лукот, магдоносот, босилекот, мајчината душица, пармезанот и буковецот, ако го користите. (Ако смесата ви се чини сува, може да ставите повеќе пармезан или малку маслиново масло.) Ставете 2 до 3 супени лажици од смесата од лебни трошки во шуплината на секој домат.
- Печете ги 30 минути, додека смесата не зарумени и доматите не омекнат. Оладете ги малку пред да ги послужите.