212
Полска испрати повеќе од 200 тенкови Т-72 во Украина во изминатите неколку недели, објави полското национално јавно радио во петок, цитирајќи ја новинската агенција ИАР.
Полска досега ѝ испорача на Украина воена опрема од 1,6 милијарди долари, изјави полскиот премиер Матеуш Моравјецки минатата недела.
Инаку Генералштабот на вооружените сили на Украина објави нови податоци за руските воени загуби од почетокот на руската инвазија на 24 февруари.
Украина тврди дека во изминатите 66 дена од војната биле убиени околу 23.200 руски војници, што е за 200 повеќе од претходниот ден.
Уништени се 1.008 руски тенкови, 2.445 оклопни борбени возила, 463 артилериски системи, 77 системи за противвоздушна војна, 190 авиони и 155 хеликоптери.