Познатиот британски супермодел, денес 47-годишната Кејт Мос има многу убава полусестра која е толку помлада од неа што може да и биде ќерка. Разликата меѓу сестрите е дури 24 години, откако Лоти Мос има 23 години.
Но, покрај тоа што ги земала добрите семејни гени, се чини дека Лоти го наследила и карактерот од нејзината постара сестра – наклонетост кон „лоши“ работи.
Семејството и нејзините пријатели биле толку загрижени, пишува „Дејли меил“, кога дознале дека Лоти решила да ги продаде своите провокативни фотографии на веб-порталот за возрасни Glow, на кој треба да си претплатник.
Набргу откако им ја соопштила својата одлука, русокосата убавица објави низа селфи на својот Инстаграм профил што ги направи во луксузниот хотел Нобу во Лос Кабос, Мексико. На нив Лоти позира во секси леопардски модел во бикини, покажувајќи го своето извајано тело, оставајќи малку на фантазијата.
Извори тврдат дека модната агенција на Лоти „Storm“ избезумено се обидува да ја заштити младата Мос и да ја спаси од себе, а дека дел од нејзиното семејство се плаши дека таа веќе ја саботирала својата иднина.
Пред околу десетина дена, самата Лоти призна дека не нашла поддршка од семејството заради нејзиниот нов деловен потфат. Наводно, веќе има видео на платформата Glow во кое таа е гола, за која корисниците треба да платат 1.000 британски фунти за да ја видат.
„Имав навистина лош ден. Добивам коментари со омраза затоа што работам за Glow“, изјави за „Сан“ во неделата помладата сестра на Мос, додавајќи дека некои членови на нејзиното семејство не се задоволни од овој ангажман, но дека таа сепак ужива во својот живот во Лос Анџелес.
„Се чувствувам толку среќно овде, не се чувствував така навистина долго. Само треба да се чувствувам добро во мојата кожа, бидејќи ако не се сакате себеси, никој друг нема да ве сака“, рече тогаш Лоти.