Поплаки од граѓани за светлечкиот знак X на компанијата на Маск во Сан Франциско

Граѓаните на Сан Франциско кои живеат во непосредна близина на зградата во која е сместена компанијата „Х“, до неодамна „Твитер“, во сопственост на американскиот милијардер Елон Маск, упатиле жалби до властите во кои се наведува дека знакот Х поставен на зградата на компанијата сјае со голем интензитет.

Компанијата на Маск во петокот го постави логото „Х“ на покривот на седиштето на улицата Маркет, што ги налути соседите незадоволни поради интензивната светлина, изјави градскиот градежен инспектор во Сан Франциско.

Потврдено е дека ќе биде покрената истрага за овој проблем, пишува лондонски „Гардијан“.