Volkswagen објави дека покренува нова иницијатива насочена кон зголемување на профитабилноста. Бизнис планот се заснова на модели од масовно производство, додека данокот ќе го платат сите модели со скромна продажба. Даден е и пример, имено Arteon, кој наскоро ќе биде укинат.
Како што откри првиот човек на Volkswagen, Томас Шефер, компанијата ќе се фокусира на моделите кои го сочинуваат јадрото на понудата. Исто така, бројот на достапни опции ќе биде намален кај сите модели, а најдобар пример е новиот ID.7, кој веќе има 99 отсто помалку опции во однос на поранешниот Golf 7.
Новата програма се вика „Accelerate Forward | Road to 6.5“, а до октомври ќе биде имплементирана во сите производни процеси на брендот. Целта е да се зголеми профитот на 6,5 отсто, што би можело да ги зголеми приходите за околу 10 милијарди евра.
Volkswagen не објави кога Arteon ќе биде повлечен од продажба, но се претпоставува дека ќе добие замена во текот на следната година.