Русија системски ги уништува вооружените сили на Украина благодарение на својата индустрија и логистика, а Западот не е во состојба да ѝ се спротивстави, изјави поранешниот шеф на чешката воена разузнавачка служба, генерал Петр Пелц, во интервју за „Радио Универзум“.
„Русија бавно и системски ја уништува Украина. Сите ѝ испраќаме пари, од кои дел некаде исчезнуваат, дел не стигнуваат ни до Украина, а со тоа само ја продолжуваме агонијата и го зголемуваме бројот на загинати“, смета Пелц.
Според мислењето на поранешниот шеф на разузнавачката служба, сè укажува на тоа дека Русија ќе излезе како победник во овој конфликт бидејќи воено-индустрискиот комплекс на Западот не може да го задржи чекорот со производство на руската одбранбена индустрија.
„Оружјето и војниците победуваат во битките, а индустријата и логистиката добиваат војни. Тоа е сè. Прашањето е сметаме ние за воена победа. За две години од овој вооружен конфликт, Русија ја зголеми продуктивноста на својот воено-индустриски комплекс за 15 пати. Ние, се разбира, не сме способни за тоа“, изјави тој.