Во Специјалниот суд во Белград денеска продолжува судењето на Вељко Беливук, Марко Миљковиќ и членовите на нивната криминална група, кои се обвинети за седум ликвидации, пренесе „Нова.рс“.
Откако лидерите на кланот и обвинетите ја изнесоа одбраната, денеска истото треба да го сторат и обвинетите соработници кои склучиле договори со Обвинителството за организиран криминал.
Поединечните обвинети Борис Карапанџиќ, Милош Лукиќ Селак, Влада Георгиев и Филип Ивановски пристигнаа во судницата нешто по 14:00 часот. Притворот им беше укинат на последната главна расправа бидејќи повеќе немаше причини за продолжување, а се бранат од слобода.
Пристигна и Слаѓана Секулиќ, единствената жена од кланот. Таа од почетокот на судската постапка се брани од слобода.
Одбраната треба да ја изнесат обвинетите – соработниците Бојан Хрватин, Никола Спасојевиќ и Срѓан Лалиќ.
Она што јавноста долго го чекаше е што може да каже Лалиќ, кој беше познат како близок на Беливук и Миљковиќ, за злосторствата што ги направи криминалната група која е обвинета за седум монструозни ликвидации.