Поранешниот сопруг на Меган Фокс, актерот Брајан Остин Грин откри кога неговиот брак со Меган тргнал во надолна линија.
Откако неговата колешка од Беверли Хилс, Тори Спелинг во 90210 отвори разговор со Меган Фокс во кој Меган се пожали на начинот на кој Брајан џвака, тој призна дека тоа е еден од знаците дека повеќе не се синхронизирани.
„Искрено, мислам дека џвакањето беше знак дека Меган веќе стигна до точка каде што работите не беа баш најдобри, па мислам дека се иритираше од се“, рече Брајан во епизода од поткастот misSPELLING.
„Стигнувате до точка кога ве излудува начинот на кој некој ги влече нозете преку подот или става тост во тостерот… Тоа се сите тие глупави ситници“, откри тој.
Актерот, кој ги дели синовите Ноа (10), Боди (9) и Џурни (6) со Меган, нагласи како таквите моменти можат или да зајакнат или да уништат пар.
„За мене, тоа е моментот кога треба да одлучите: „Во ред, ајде да одиме на терапија, ќе се обидеме да најдеме поврзаност и да дознаеме што се случува сега, или ќе бидеме обземени од овие работи. “, објасни тој. „Ќе не уништат. Затоа што постојано се трупаат и стануваат се полоши и полоши“, додаде тој.
Брајан и Меган се разделија во 2020 година по девет години брак, а разводот беше финализиран на почетокот на 2022 година.
И двајцата во меѓувреме најдоа нови љубови. Актерката се сврши со Машинган Кели, иако раскинаа и се помирија со текот на годините. Што се однесува до Брајан, тој се сврши со Шарна Бурџис во 2023 година, околу една година откако парот го доби синот Зејн, кој сега има две години.