Украина цврсто сака формирање заедничка бугарско-украинско-романска воена бригада, како и распоредување на заедничка флота под покровителство на НАТО во Црното Море. Ова го изјави украинскиот претседател Петро Порошенко за време на официјалната посета на Букурешт, соопшти Romania Insider.
“Ја поддржуваме иницијативата на Романија за формирање на заедничка флота во рамките на НАТО, која ќе е одговорна за Црното Море. Сакаме да се приклучиме кон овој проект што е можно побрзо, штом НАТО го одобри. Одбраната е многу важна тема и бара нови решенија и нови пристапи “, рече Порошенко.
DW: „Супер Марио“ не го интересираат критиките од Германија
За време на посетата на претседателот на Бугарија Росен Плевнелиев во Киев и денес за време на преговорите со претседателот на Романија , ние разговаравме за можноста за создавање на украинско-романско-бугарска бригада по примерот на литванско-полско-украинската бригада. Ние имаме позитивно искуство од примената на овој договор и уверен сум дека ваквите активности ќе ја подобрат безбедноста и довербата и во регионот, и по цела Европа “, истакна украинскиот претседател вчера (21 април).
Украинскиот претседател истакна и дека неговата земја, заедно со Романија, имаат заедничка позиција за санкциите на ЕУ против Русија. “Санкциите не можат да бидат извадени, додека агресијата не запре”, изјави Порошенко.