Претседателот на Украина Петро Порошенко изјави дека во блиска иднина ќе биде претставена стратегијата за враќање на Крим во рамките на Украина , јави УНИАН.
“Можам да кажам дека стратегијата денес ќе биде завршен како сеопфатен документ во Советот за национална безбедност и одбрана и таа ќе биде претставена во блиска иднина … Крим останува наш главен приоритет “, истакнал Порошенко, одговарајќи на прашање за тоа кога ќе биде претставена стратегијата за враќањето и ослободувањето на Крим од руска окупација .
Сепак Порошенко се согласил дека е потребно да се подигне нивото на координација на украинските власти во врска со враќањето на Крим.
“Но, тоа не е само координација на активностите на украинските власти. Јас уште еднаш нагласувам дека тоа е ставот на меѓународната солидарност околу Крим “, истакна украинскиот претседател и потсети на одлуката на Генералното собрание на Обединетите нации за осуда на анексијата на Крим од страна на Русија.
Порошенко смета дека враќањето на Крим е исклучително комплексна задача, но забележува дека Украина ќе стори сé за да ја закрепне своја контрола над полуостровот .